Deputetja e Partisë Demokratike, Albana Vokshi ka denoncuar një tjetër shkelje të hapur të Kodit të Punës për mësuesit.
Teksa i referohet këtij abuzimi, Vokshi thekson se ministrja e arsimit Evis Kushi ka dalë jashtë kompetencave duke u kërkuar mësuesve që brenda 2 javës të plotësojnë regjistrin elektronik në sistemin SMIP. E thënë ndryshe mësuesit veç orëve të mësimit apo detyrave të shumta, u jepen punë shtesë në shkelje të Kodit të Punës duke ulur dinjitetin e tyre.
Gjithashtu Vokshi nënvizon kontrastin e madh të kryeministrit Edi Rama i cili është përfshirë në skandalin “McGonigal” duke paguar 225 mijë dollarë për të shkatërruar opozitën, ndërsa në krahun tjetër arsimi në Shqipëri është lënë në “mëshirë të fatit”, ku shkollat nuk kanë internet, pagat e mësuesve janë më të ulëtat në rajon kurse institucionet arsimore nuk kanë as kushtet më minimale.
Reagimi nga deputetja e PD-së, Albana Vokshi:
“Këto janë dy denoncime të dy mësueseve nga qarku Fier dhe Elbasan!!!
Para disa ditëve, mësuesve i është kërkuar që brenda 2 javëve të plotësojnë regjistrin elektronik në sistemin SMIP. Pra, përvec orëve të mësimit apo detyrave të tjera të shumta që ju jepen mësuesve në shkollë, Ministrja e Arsimit Evis Kushi ju kërkon atyre të plotësojnë në vetëm dy javë ngarkesën administrative të 21 javëve punë (kur totalisht janë 35).
Po a ka pyetur ministrja Kushi nëse mësuesit munden ta përballojnë këtë ngarkesë shtesë? A është konsultuar me ta? Ajo vetë a do mund ta përballonte??
Ky urdhër vjen:
– në shkelje të hapur të Kodit të Punës;
– në shkelje të Kontratës Kolekrive
– në kushtet kur mësuesit nuk kanë as kushtet e as mjetet e përshtatshme
– e shkollat nuk kanë as internet.
225 mijë dollarë në vetëm një rast, i ka dhënë Kryeministri Rama ish agjentit të FBI McGonigal, për ta korruptuar atë për përfitime personale e për të shkatërruar opozitën. Ndërkohë nuk ka para:
– për rritje reale pagash për mësuesit,
– për shpërblime të mësuesve,
– për shkolla me infrastrukturë me standarte ndërkombërare,
– për internet në shkolla.
Sindikata e arsimit parauniversitar duhet të reagojë për këtë rast flagrant të shkeljes së të drejtave të mësuesve.
Mësuesit e keqpaguar, keqtrajtuar, nuk e meritojnë këtë qeveri me të pa shkollë e të pa ditur.
Mësuesit nuk janë skllevër!! Ata duhen trajtuar me respektin dhe dinjitetin që ju takon!!
Të dashur mësues, refuzojeni këtë keqtrajtim, refuzojini këto urdhëra, refuzojeni këtë keqqeverisje!
#Reagoni për të drejtat tuaja
#Protestoni
T’i dilnin Zot familjeve tuaja“, shkruan Vokshi.
Mesazhet e denoncimit nga dy mësuesit:
