Kryetari i Partisë së Lirisë, Ilir Meta deklaroi se protestat dhe rezistenca qytetare nuk do të ndalet.
Përmes një postimi në rrjetet sociale, ku shpërndau një pjesë nga fjala e tij gjatë protestës së sotme të opozitës para Kuvendit, Meta theksoi se asgjë nuk do të ndalet deri në largimin përfundimtar të kryeministrit Edi Rama.
“Protestat nuk do të ndalen. Rezistenca qytetare e shqiptarëve nuk do të ndalet deri në largimin përfundimtar të Edi Ramës, deri në triumfin e pluralizmit politik, demokracisë dhe llogaridhënies”, shkroi Meta në FB.
