Edi Rama priti përfundimin e protestës së Partisë Demokratike para Parlamentit dhe përjashtimin e 18 deputetëve opozitarë për të marrë guximin që pas një muaji të hyjë në sallën e Kuvendit.
Në një sallë thuajse të boshuar, Rama është pritur nga deputetët e paktë të PD-së që janë ende prezentë nën zhurmën e bilbiliave, por edhe me pankarta që në duar janë mbajtur nga protestuesit këtë të enjte para Kuvendit.
Deputetët e opozitës kanë vijuar të krijojnë zhurmë akustike përmes bilbilit apo dhe goditje së tavolinës me dorë.
Ndërkohë në pankarta ironizohet Rama sa i përket aferës McGonigal ku kryeministri përmendet 14 herë në aktakuzën e drejtësisë amerikane se ka korruptuar ish-zyrtarin e FBI-së.
“Edi me dash’, a shkon në Shtëpinë e Bardhë?”, është një prej mesazhe në një nga pankartat.
