6 shtetas janë vënë në pranga këtë të mërkurë kurse një tjetër është proceduar penalisht për vepra të ndryshme penale.
Specialistët për Hetimin e Narkotikëve arrestuan shtetasin E. T., 25 vjeç, banues në Tiranë, si dhe nisi procedimi penal në gjendje të lirë për shtetasin R. H., 26 vjeç.
Gjatë kontrollit të automjetit me drejtues shtetasin E. T. dhe gjatë kontrollit fizik ndaj pasagjerit, shtetasit R. H., shërbimet e Policisë gjetën dhe sekuestruan sasi lënde të dyshuar narkotike kanabis.
Po ashtu specialistët për Hetimin e Krimeve të Komisariatit të Policisë Nr. 1 arrestuan shtetasin A. B., 32 vjeç, banues në Tiranë, pasi ka ushtruar dhunë ndaj bashkëjetueses së tij. Gjatë kontrollit fizik, 32-vjeçarit iu gjet një mjet prerës thikë, i cili u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Kavajë arrestuan shtetasin J. B., 53 vjeç, banues në Fier, pasi u kap duke drejtuar automjetin, nën efektin e alkoolit.
“Specialistët e Qarkullimit Rrugor arrestuan shtetasit: A. T., 50 vjeç, banues në Tiranë, pasi u kap duke drejtuar motomjetin, pa leje drejtimi;
– G. T., 48 vjeç, banues në Tiranë, pasi u kap duke drejtuar automjetin, në gjendje të dehur”, njofton policia.
Gjithashtu, specialistët e Qarkullimit Rrugor ndaluan shtetasin E. R., 33 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 10 ditë burgim, për veprën penale “Drejtimi i automjeteve në mënyrë të parregullt”.
