Një 39-vjeçar, banues në Korçë, është arrestuar për veprën penale “Drejtimi i automjeteve në mënyrë të parregullt”.
Duke drejtuar automjetin tip “Benz”, në aksin rrugor Korçë-Pogradec, në afërsi të fshatit Pirg, Maliq, ky shtetas ka humbur kontrollin mbi drejtimin e automjetit dhe është përplasur me barrierën anësore të rrugës.
Nga verifikimet e kryera rezultoi se shtetasi Dh. G. e drejtonte automjetin, pa leje drejtimi dhe në gjendje të dehur.
“Specialistët e Trafikut Urban dhe Interurban të DVP Korçë arrestuan në flagrancë shtetasin Dh. G., 39 vjeç, banues në Korçë, për veprën penale “Drejtimi i automjeteve në mënyrë të parregullt”, pasi duke drejtuar automjetin tip “Benz”, në aksin rrugor Korçë-Pogradec, në afërsi të fshatit Pirg, Maliq, dyshohet se ka humbur kontrollin mbi drejtimin e automjetit dhe është përplasur me barrierën anësore të rrugës. Nga verifikimet e kryera rezultoi se shtetasi Dh. G. e drejtonte automjetin, pa leje drejtimi dhe në gjendje të dehur’, njofton policia.
