Aldo Bumçi anëtar i kryesisë së PD-së tha se protetsat “janë thelbësore, janë të pazëvendësueshme dhe protestat do të vijnë duke u përshkallëzuar së bashku me përgatitjen për zgjedhje”.
Sipas tij, “protesta nuk bëhet për partinë, bëhet për gjendjen e rëndë ku ndodhet Shqipëria”.
“Protesta nuk bëhet për partinë, bëhet për gjendjen e rëndë ku ndodhet Shqipëria. Demokracia në Shqipëri është problem i qytetarëve që nëse duan të shpëtojnë nga Edi rama nuk kanë zgjedhje tjetër veçse demokracinë. Kjo maxhorancë ka kapur çdo pushtet ka rrënuar çdo vlerë. Për nga ana e shumave, incineratorët janë të pakrahasueshëm, korruptimi i ish agjentit të FBI nga Rama për të goditur opozitën është shenjë e rrënimit të çdo vlere. Zyra e kryeministrit kthehet në zyrë mafioze. Protestat janë thelbësore, janë të pazëvendësueshme dhe protestat do të vijnë duke u përshkallëzuar së bashku me përgatitjen për zgjedhje”, tha Bumçi në një intervistë për Ora News.
