PSG humbi ndaj Bayernit në Paris. Golin e vetëm të ndeshjes e shënoi Kingsley Coman në minutën e 53-të.
Për shkak të një dëmtimi, Mbappe ndoqi nga stoli pjesën e parë dhe fillimin e të dytës, ndërsa hyri në fushë menjëherë pas golit të Coman.
Për më shumë se 30 minuta në fushë, francezi dërgoi topin dy herë në portë, por të dyja herë golat u anuluan për shkak të pozicionit jashtë loje.
Pas ndeshjes, Kylian doli në mikrofon dhe përmblodhi ndeshjen:
“Jemi në gjendje t’u bëjmë telashe… Do të shkojmë në Mynih për të arritur në fazën tjetër. Të gjithë duhet të jenë të shëndetshëm. Pas asaj që pamë sot, ne e kuptojmë se mund ta arrijmë qëllimin tonë”.
