Nuk kanë fund telashet për sulmuesin holandez Mohamed Ihateren! Pas akuzave për lidhje me mafien dhe pas djegies së makinës luksoze, 21-vjeçari në pronësi të Juventusit, i huazuar te Ajaksi, është arrestuar në Amsterdan, sipas raportimeve të fundit që vijnë nga Holanda.
Ihateren akuzohet për sulm ndaj ish-të dashurës. Holandezi festoi 21-vjetorin të dielën, teksa është dërguar në paraburgim dhe pritet të merret në pyetje. Policia kontrolloi shtëpinë e futbollistit në Vleuten, teksa detaje më të hollësishme pritet të zbulohen në vijim.
Vlen të theksohet fakti se holandezi ka nënshkruar kontratë 4 vjeçare me Juventusin në verën e vitit 2021.
