Një situatë e çuditshme ka ndodhur ditën e sotme ku po mbahet seanca plenare, ndërsa salla e Kuvendit ndodhet prej disa minutash pa drita.
Nuk dihet se cili është shkaku i kësaj mungese energjie elektrike, e cila erdhi vetëm pak minuta pas fjalës së kryeparlamentares Lindita Nikolla.
Nga ana tjetër, jashtë kuvendi është duke u zhvilluar protesta e opozitës e thirrur kundër vendimeve të Kuvendit, sipas tyre të kapur nga Rama.
Po ashtu, një situatë e tensionuar është krijuar në hyrje të sallës së Kuvendit të Shqipërisë, ku deputetët e përjashtuar të PD-së nga komisioni i etikës nuk po lejohen të futen brenda në Kuvend nga Garda.
Reagon Kuvendi: Ja pse ikën dritat
Kuvendi ka reaguar për ndërprerjen e energjisë elektrike në nisje të seancës së sotme plenare.
Në një njoftim, zyra e shtypit bën me dije se “seanca u nderpre sepse u dogj pajisja UPS, e cila sherben per balancinin e energjise ne sallen e seancava plenare”.
“Pajisja UPS funksionon ekskluzivisht per sallen e seancave, per shkak te sistemin elektonik. Po punohet per zevendesimin e pajisjes”, thuhet më tej në njoftim.
Seanca aktualisht është ndërprerë për shkak të mungesës së energjisë elektrike.
