Skandali McGonigal që po tentohet të sfumohet nga mazhoranca në Shqipërisë, me kryeministrin Edi Rama që i shmanget llogaridhënies për korruptimin e ish-zyrtarit të FBI, duket se po merr një vëmendje gjithmonë e më të shtuar në SHBA.
Mediat më me influencë në Amerikë, si CNN, New York Times më parë dhe gjigandi Washington Post ditën e sotme, i kanë kushtuar një vëmendje të shtuar lidhjeve të McGonigal me kryeministrin e Shqipërisë dhe fluturimeve të tij me shpenzime të padeklaruara në Tiranë.
Media nga kryeqyteti i SHBA nënvizonte në artikull se Edi Rama ka qenë i zhytur “kokë e këmbë” në këtë aferë, pasi sipas tyre Charles McGonigal ka marrë para për të çuar përpara axhendën politike të shefit të ekzekutivit në Shqipëri.
“Ai është një nga zyrtarët më të lartë të FBI-së, i akuzuar ndonjëherë për vepra penale dhe rasti i tij ka shqetësuar thellësisht profesionistët e sigurisë kombëtare, duke pasur parasysh aksesin e jashtëzakonshëm që ai kishte në sekretet e ndjeshme të qeverisë. Zyrtarët aktualë dhe ish-qeveritarët, që kanë punuar dhe kanë njohje me McGonigal për vite, thanë se ishin të tmerruar nga akuzat dhe implikimet e dikujt në pozicionin e tij, që mund të punonte në fshehtësi për palët e huaja”, shkruante paraditen e sotme “Washington Post”.
Nuk vonoi më shumë sesa mbrëmja e sotme dhe një tjetër gazetë amerikane si “Washington Examiner” raporton për skandalin që lidh Edi Ramën me aferën McGonigal.
Ajo çka bie në sy në artikullin e kësaj media, është fakti se duke iu referuar burimeve të besueshme nga Tirana, aty nënëvizohet se Charles McGonigal ka arritur që me ndihmën e Edi Ramës dhe presionin “Më paguani ose do të shkatërroj jetën tuaj”, duke shfrytëzuar rolin e tij në FBI, u ka zhvatur deri në 30 milionë euro disa biznesmenëve të pasur shqiptar.
Në artikull thuhet tekstualisht se, zyrtari i FBI “u tha shqiptarëve të suksesshëm, të cilët jo të gjithë ishin në kontrollin e qeverisë Rama, se po përballeshin me sanksione në të ardhmen nga SHBA, të cilat do të shkatërronin bizneset e tyre”.
“Atyre do t’u sekuestronin llogaritë bankare dhe do t’i jepnin fund udhëtimeve të tyre jashtë vendit. Megjithatë, McGonigal u tha se mund ta rregullonte këtë problem për një tarifë modeste prej disa milionë dollarësh. Mesazhi ishte i qartë: Më paguani ose do të shkatërroj jetën tuaj. Shqiptarët e shqetësuar e morën seriozisht këtë kërcënim, duke pasur parasysh pozicionin e McGonigal-it në FBI, dhe shumë prej tyre e paguan. Disa kanë paguar “vetëm” 3 milionë euro. Të tjerët paguanin shumë më tepër”, shkruan “Washington Examiner”.
Sipas artikullit një nga biznesmenët më të fuqishëm që e ka pësuar nga McGonigal është Shefqet Kastrati, që njihet si “manjati” i hidrokarbureve në Shqipëri dhe një nga njerëzit më të pushtetshëm që është rreshtuar pranë qeverisë Rama.
Duket se presionit t ëish-zyrtarit të FBI nuk i ka shpëtuar as biznesmenti tjetër që është i lidhur fort me Ramën, Samir Mane.
“Burimet më thonë se McGonigal zhvati Shefqet Kastratin, manjatin kryesor të naftës në Shqipëri, për 12 milionë dollarë, me vlerë afro 15 milionë dollarë në vitin 2017. Mesa duket, McGonigal u përpoq të merrte ryshfet edhe nga Samir Mane, një biznesmen kryesor shqiptar, në një mënyrë të ngjashme”, thuhet më tej në artikull.
Dhe në fund pyetja që shtrohet është: “Ku shkuan paratë?”.
“Ky nuk kishte gjasa të ishte një operacion parash, duke pasur parasysh ndjeshmërinë e tij, dhe burimet e inteligjencës ballkanike më thonë se kriptomonedha, përfshirë bitcoin, janë përfshirë. Këto burime thonë se McGonigal tentoi operacione të ngjashme tronditëse në fqinjët e Shqipërisë, Maqedoni dhe Mal të Zi, të cilat të dyja përmbajnë pakica të rëndësishme etnike shqiptar”, është përgjigja që jep vetë media nga Uashingtoni.
PJESË NGA ARTIKULLI:
E vërteta është më e keqe se kaq. Është mjaft e rëndë që një zyrtar i lartë i FBI-së u përfshi në mënyrë të pahijshme, për para cash, në politikën e brendshme të një aleati amerikan. Kjo rubrikë mund të raportojë se ajo që bëri McGonigal në atë udhëtim fatal në Shqipëri ishte shumë më e rëndë nga sa kanë pranuar autoritetet federale ose media.
Burime të nivelit të lartë shqiptar, të cilët dëshmuan sjelljen e tmerrshme të McGonigal, ndërsa ai ishte në atë vend, rrëfejnë se zyrtari i lartë i FBI-së ka kryer një operacion zhvatjeje kundër shqiptarëve të pasur për përfitime personale.
McGonigal u thoshte shqiptarëve të suksesshëm, të cilët jo të gjithë ishin nën zemërgjerësinë e qeverisë së Ramës, se ata përballeshin me rrezikun e sanksioneve të afërta nga SHBA, të cilat do të shkatërronin bizneset e tyre, do t’u sekuestronin llogaritë bankare dhe do u jepnin fund udhëtimeve të tyre jashtë.
Megjithatë, McGonigal mund ta rregullonte këtë problem me një tarifë modeste prej disa milionë dollarësh. Mesazhi ishte i qartë: “Më paguani ose do të shkatërroni jetën tuaj”.
Shqiptarët e shqetësuar e morën seriozisht këtë kërcënim, duke pasur parasysh pozicionin e McGonigal në FBI, dhe shumë prej tyre e paguan. Disa kanë paguar ‘vetëm’ 3 milionë euro. Të tjerë paguanin shumë më tepër.
Burimet më thonë se McGonigal zhvati Shefqet Kastratin, manjatin kryesor të naftës në Shqipëri, për 12 milionë euro (afro 15 milionë dollarë) në vitin 2017.
Mesa duket, McGonigal u përpoq të merrte ryshfet edhe nga Samir Mane, një biznesmen kryesor shqiptar, në një mënyrë të ngjashme. Burimet ballkanike thonë se përfitimet e McGonigal nga kjo lëvizje ishin në masën 30 milionë euro, por mesa duket kjo ishte e ndarë me partnerët e tij shqiptarë.
Burimi:“Washington Examiner”
