Një trup i pajetë është gjetur ditën e sotmë në një përrua në afërsi të Bërxullës.
Blutë bëjnë me dije se viktima është identifikuar si, E.T., 48-vjeç i seksit mashkull.
Ende nuk dihen detaje mbi rastin, ndërkohë grupi hetimor ndodhet në vendngjarje.
Njoftimi i policisë:
Tiranë/Informacion paraprak
Më datë 13.02.2023, në afërsi të përroit të Limuthit, në Bërxullë, është gjetur një kufomë e seksit mashkull.
Nga veprimet e para hetimore të kryera, në xhepin e rrobave të viktimës, është gjetur një dokument identifikimi me gjeneralitetet E. T., 48 vjeç.
Grupi hetimor ndodhet në vendngjarje dhe po punon për zbardhjen e rrethanave të ngjarjes
