Mjeku i njohur Ilir Alimehmeti, I është bashkuar protestës së thirruar nga opozita që po mbahet para kryeministrisë.
Gjatë fjalës së tij, ai se shqiptarët kanë vendosur të sfidojnë të ftohtin duke dalë në shesh për shkak se po përballen me kancerin e korrupsionit.
Sipas tij, dy janë mundësitë sot, të përballen me qeverinë ose të largohen.
“Pse jemi ne këtu? Pse vendosëm ne të sfidojmë muajin më të ftohtë të vitit? Se nuk ka vend më të ftohtë se zemra e qeveritarëve. Jemi vënë përballë një kanceri korrupsioni, ka shkuar edhe në nivel ndërkombëtar. Jemi vënë përballë një humbje, një pagjumësie nga sistemi gjyqësor. Ndaj gjithë këtyre sëmundjeve kemi dy mundësi: të qëndrojmë dhe të përballemi, kemi edhe mundësinë të largohemi. Ne kemi vendosur të qëndrojmë, ne kemi vendosur të largojmë ata që janë shkaktarët e këtyre sëmundjeve. Ne kemi vendosur ta marrim vetë fatij e Shqipërisë në dorë. Do ti luftojmë këto viruse kudo ku të jenë sepse ata nuk ikin vetë, ikin vetëm kur ti heqim ne”, tha Alimehmeti.
