Sekretari i Përgjithshëm i Partisë së Lirisë, Tedi Blushi shprehet se shqiptarët dhanë sot në protestën e opozitës mesazhin e fuqishëm të shpresës dhe fitores.
Blushi ka ndarë me ndjekësit e tij në fb dhe fotot nga protesta madhështore e kësaj të shtune në Bulevardin Dëshmorët e Kombit.
“Falenderime dhe mirënjohjen më të përzemërt për mijëra e mijëra burra e gra, djem e vajza nga Tirana dhe çdo qytet i Shqipërisë, nga emigracioni dhe diaspora, për mesazhin e fuqishëm të shpresës dhe fitores që dhanë sot: Ndryshimi i Madh ka filluar! Ndryshim me çdo çmim, përmes protestave dhe votës së lirë!”, shkruan Blushi.
