Një moment emocionus është ndarë në Twitter ditën e sotme nga Turqia, ku ekipet e shpëtimit kanë nxjerrë një nënë dhe djalin e saj 10-vjeçar pas 101 orëve nën rrënoja.
Përpjekjet e kërkim-shpëtimit të ekipeve vazhdojnë në rrënojat e ndërtesave të banimit në rajonin e Dijarbakirit, i cili u prek nga tërmetet 7.8 dhe 7.7 të shkallës Rihter, të cilët shkaktuan më shumë se 21 mijë të vdekur deri më tani.
Ekipet e shpëtimit mbërritën dhe arritën të shpëtojnë nënën 32-vjeçare Sebahat Varli dhe djalin e saj 10-vjeçar Serhat, të cilët ndodheshin në rrënojat e pallatit prej 101 orësh.
Diyarbakır Bağlar’da depremde yıkılan binanın enkazından 101 saat sonra anne Sebahat Varlı ve oğlu Serhat Varlı kurtarıldı https://t.co/zLjNYieaYO pic.twitter.com/AXIOGs0wKZ
— ANADOLU AJANSI (@anadoluajansi) February 10, 2023
Sipas të njëjtave informacione, nëna e plagosur dhe djali i saj 10-vjeçar janë dërguar në spital me autoambulancë nga ekipet e shpëtimit.
