Policia e Tiranës ka dalë me njoftim zyrtar për ngjarjen që ndodhi një ditë më parë në kryeqytet ku një punëtor ra nga pallati ku po punonte, e për pasojë humbi jetën.
Blutë bëjnë me dije se lidhur me rastin janë arrestuar inxhinieri i ndërtimit, shtetasi E.S, 41-vjeç dhe tekniku i firmës së ndërtimit, shtetasi E.B, 68-vjeç.
“Në përfundim të veprimeve të kryera për ngjarjen e ndodhur ditën e djeshme, në rrugën “Konferenca e Pezës”, ku dyshohet se aksidentalisht ra nga lartësia e pallatit në të cilin ishte duke punuar, shtetasi K. D., 53 vjeç, i cili si pasojë ndërroi jetë, specialistët për Hetimin e Krimeve të Komisariatit të Policisë Nr. 6 arrestuan shtetasit E. S., 41 vjeç, me detyrë inxhinier ndërtimi i firmës që po ndërtonte këtë pallat dhe E. B., 68 vjeç, me detyrë teknik ndërtimi i kësaj firme, të dy banues në Tiranë”,- sqaron policia.
