Gjykata e Tiranës ka caktuar masën e sigurisë “arrest me burg” për Marjol Alikon, i cili akuzohet se ka ka përplasur për vdekje 75-vjeçaren, Dituri Koprencka, në bulevardin Zhan D’Ark
Në seancën gjyqësore sot, Aliko i ka kërkuar falje familjarëve të viktimës, e më pas është shfajsuar duke u shprehur se në momentin e aksidentit i kishte rënë dielli në sy. Ndaj dhe nuk e kishte parë të moshuarën teksa kalonte rrugën.
Ndërkohë që sa i takon testit të drogës ndaj të cilit rezultoi pozitiv, 23-vjeçari tha se nuk kishte konsumuar atë ditë por disa ditë para aksidentit. Duke u bazuar tek mbrojtja e klientit, avokati mbrojtës i të riut, Edvis Gorishti kërkoi një masë më të lehtë sigurie nga Gjykata duke shtuar se 23-vjeçari kishte shprehur ndjesë për vrasjen, ndërsa edhe më parë nuk kishte dënime.
Por kërkesa e tij është hedhur poshtë nga trupa gjykuese.
