Lehtësia me të cilën u shembën mijëra pallate pas goditjes prej 7.8 dhe 7.6 ballë në Turqi, duket se ka ngritur në këmbë autoritetet në Ankara, duke iu qepur pas kompanive që i kanë ndërtuar.
I pari që e ka pësuar nga autoritetet turke është Mehmet Yasar Joskun, pasi kompleksi i apartamenteve të ndërtuar prej tij në provincën Hatay u shemb si një kullë prej kartoni.
Kontraktori i kompleksit të apartamenteve “Rilindja” në Antioki, të provincës Hatay, është arrestuar në aeroportin e Stambollit pasi po tentonte të arratisej për në Mal të Zi dhe madje mbante mijëra para cash me vete.
Hatay’daki depremde yıkılan Rönesans Rezidans’ın müteahhidi Mehmet Yaşar Coşkun’un, bu akşam Kanada’ya kaçacağı öğrenildi. pic.twitter.com/QyxYdteMpc
— Pusholder (@pusholder) February 10, 2023
Kompleksi i banesave që kompania e tij ndërtoi në vitin 2012 kishte 250 shtëpi, në një godinë 12-katëshe.
Në tërmetin e së hënës, kompleksi u shemb si të ishte prej kartoni ndërsa kërkimet në zonë për gjetjen e të mbijetuarve vazhdojnë, por shpresat gradualisht po shuhen.
Në faqe të ndryshme interneti, kompleksi i ndërtesave luksoze reklamohej si “një cep i parajsës”.
Rönesans Rezidans’ın müteahidi yurt dışına kaçmaya çalışırken yakalandı! https://t.co/1f9EC5PceO pic.twitter.com/cG8YzkzJfc
— CNN TÜRK (@cnnturk) February 10, 2023
Çdo apartament aty kushtonte nga 1.5 deri në 3 milionë lira turke (75,000 deri në 150,000 euro).
Ndërkohë, sapo u bë i ditur shkatërrimi i shtëpive, Joskun dhe vëllai i tij, Husein Yalcin, u zhdukën. Vëllai i tij mësohet se ndodhet në zyrat e kompanisë së ndërtimit “Antis Yapi” në Mal të Zi, ku ajo ka selinë që nga viti 2017.
Rreth 800 persona llogaritet se kanë mbetur të bllokuar në rrënojat e kompleksit “Rilindja”. Mediat turke raportuan se futbollisti ganez i Hataysporit, Christian Atsu dhe drejtori sportiv i ekipit, Taner Savut, besohet të jenë në mesin e të bllokuarve në rrënoja.
Hatay’da depremde yıkılan Rönesans Rezidans’ın müteahhidi Mehmet Yaşar Coşkun, yurt dışına çıkmaya çalışırken İstanbul Havalimanı’nda gözaltına alındı. pic.twitter.com/0mDCqwQ3NP
— Pusholder (@pusholder) February 10, 2023
Ekipet e shpëtimit po punojnë në për të gjetur të mbijetuarit.
Ministri turk i Drejtësisë Bekir Bozdag tha më herët sot se askush nuk do t’i shpëtojë ndëshkimit për neglizhencën që çoi në shembjen e ndërtesave pas tërmetit “përbindësh” 7.8 ballë.
