Lëkundje tërmeti janë ndjerë në vend këtë të Enjte.
Sipas të dhënave paraprake nga Instituti i Gjeoshkencave, epiqendra e tërmetit që goditi rreth mesditës ishte në Hotolisht të Librazhdit.
Magnituda llogaritet 3.7, ndërsa thellësia 15 km.
Qytetarë të Librazhdit thanë se lëkundjet u ndjenë të forta.
Banorë të fshatit Hotolisht si dhe nxënësit e stafi i shkollës së mesme dolën nga ndërtesat për shkak të frikës nga tërmeti.
Aktualisht, nuk raportohet për dëme materiale.
