Një 50-vjeçar është vënë në pranga pasi dyshohet se ka vjedhur sende në një banesë.
Po ashtu ai ka blerë një aparat celular me vlerë 900 euro, me kartëmonedha euro të falsifikuara.
“Gjatë operacionit policor të koduar “Last exchange”, u arrestua në flagrancë shtetasi B. M., 50 vjeç, banues në Tiranë. Nga veprimet hetimore dyshohet se ky shtetas ka vjedhur 1 laptop dhe sende të ndryshme, në një banesë, në rrugën “Milo Duci”. Gjithashtu, dyshohet se me anë të mashtrimit, i ka blerë një shtetasi, një aparat celular me vlerë 900 euro, duke përdorur kartëmonedha të falsifikuara”, njofton policia.
Materialet i kaluan Prokurorisë, për veprime të mëtejshme procedurale.
