Një audio e opinionistes së “Big Brother VIP”, Zhaklin Lekatarit ku dëgjohej të shprehej: Unë ia thashë produksionit sot, që burri i Oltës do të më shantazhojë. Unë ndihem e ofenduar që burri i Oltës mendon që mund të më blejë mua me lekë. Unë nuk jam Olta, nuk blihem”, ka bërë xhiron e rrjetit.
Pas bujës së shkaktuar, Zhaklina doli me një reagim publik duke thënë se nuk kishte përdorur termin e duhur dhe burri i Oltës nuk e kishte shantazhuar.
Mbrëmjen e djeshme në Prime, Arbana Osmani komunikoi se Zhaklina nuk e ka më të drejtën e fjalës për të komentuar Oltën. Aktoren do ta komentojë tani e tutje vetëm Arbër Hajdari.
“Dua t’ju kërkoj falje ju (produksionit) dhe gjithë atyre që kam përmendur. Ky emision ka një presion të madh, dhe unë kur mora ftesën isha përgatitur për këtë, por ja që edhe unë rashë në grackën e mesazheve që përmbajnë gjuhë dhune, urrejtje. Një bisedë e imja intime me një person të afërt është prerë dhe është shpërndarë në të gjitha rrjetet. Nuk jam shantazhuar, rrini të qetë”, tha Zhaklina në fillim të emisionit.
