Këshilli i Etikës në Kuvend i ka dhënë ditën e sotme një goditje të fortë opozitës sa i përket jetës parlamentare duke pranuar kërkesën e 7 deputetëve të Partisë Socialiste për përjashtimin e 8 kolegëve të tyre nga Partia Demokratike.
Në kërkesën e firmosur nga 7 deputetë socialistë, thuhej se Luçiano Boçi, Albana Vokshi, Ervin Salianji, Ina Zhupa, Luan Baçi dhe Tritan Shehu në mënyrë të koordinuar bllokuan foltoren e Kuvendit në seancën e fundit parlamentare, kur pati përplasje mes palëve për rastin “Mc Gonigal.
Ndërkohë për deputetët Gazmend Bardhi dhe Bledion Nallbati, kërkesa për përjashtim sipas PS, u argumentua me faktin se ata kanë artikuluar fjalë fyese në drejtim të kryetares së Kuvendi, Lindita Nikolla.
Duke reaguar për vendimin për përjashtim me 10 ditë, deputetja Albana Vokshi tha se ky ishte një atentat ndaj demokracisë.
Ndër të tjera Vokshi është shprehur se ky veprim ka ndodhur për të fshehur skandalin e kryeministrit Edi Rama ndaj ish zyrtarit të FB dhe korrupzionit me 225 mijë dollarësh për të dëmtuar opozitën.
“Është histori korrusioni që po zbardhet. Brenda pak ditësh janë përjashtuar 13 deputet opozite . Sot ndodhi nja atenat ndaj pluralizmit në Shqipëri. Po mundohen të fshehin skandalin e kryeministrit dhe korrupsionin ndaj zyrtarit të FBI me 225 mijë dollarë për të dëmtuar opoztën”, tha Vokshi për Top News.
