Aktori i famshëm turk Mert Fırat, i njohur shumë edhe në Shqipëri, ka treguar se të afërmit e tij janë nën rrënoja.
Fırat ka përgatitur kuti ndihme për t’u dorëzuar tek të mbijetuarit, raporton ‘Haber Turk’.
“Në këto ditë që ndajmë të njëjtën dhimbje, mbështetja juaj për Hartën e Nevojave dhe të gjitha organizatave joqeveritare është shumë e vlefshme. Fatkeqësisht të afërmit tanë u prekën nga tërmeti në krahina të ndryshme. Disa prej tyre po përpiqen të mbështesin nga zona e fatkeqësisë. Ju lutemi mos e refuzoni mbështetjen dhe punën tuaj vullnetare. Ju jeni burimi ynë i energjisë. Problemi i secilit prej jush është edhe problemi ynë. Le të mos na mbarojë kurrë forca dhe fuqia.”-shkruan ktori në rrjete sociale.
Të Hënën Turqia dhe Siria janë goditur nga një tërmet shkatërrues, ku si pasojë kanë humbur jetën mbi 11 mijë persona dhe mbi 30 mijë të tjerë kanë mbetur të plagosur.
Ekipet e shpëtimit po vazhdojnë me operacionet e kërkim-shpëtimit, të personave që kanë mbetur nën rrënojat e ndërtesave të shembura.
