Një aksident i rëndë ka ndodhur mbrëmjen e së mërkurës në rrugën dytësore Plepa-Golem.
Sipas njoftimit të policisë bëhet me dije se shoferi 24-vjeçar në një moment ka humbur kontrollin e mjetit dhe ka përplasur për vdekje këmbësorin, ende të paidentifikuar.
“Rreth orës 19:30, në rrugën dytësore Plepa-Golem, një automjet me drejtues shtetasin K. G., 24 vjeç, ka përplasur këmbësoren ende të paidentifikuar rreth 35 vjeçe, e cila ka humbur jetën”, thuhet në njoftimin e policisë.
Grupi hetimor ndodhet në vendngjarje dhe po punon për sqarimin e rrethanave të aksidentit.
