Një 35-vjeçar është arrestuar ditën e sotme nga Policia pasi akuzohet se ka dhunuar me sende të forta një të moshuar.
Blutë bëjnë me dije se ky shtetas gjithashtu ka kundërshtuar me dhunë punonjësin e Policisë që kishte shkuar në vendngjarje për të neutralizuar konfliktin.
Ngjarja ka ndodhur në lagjen “Tafil Skëndo”, Kuçovë, ndërsa mësohet se konflikti kishte ardhur si pasojë e një postimi në rrjete sociale.
“Menjëherë pas marrjes së njoftimit, se në lagjen “Tafil Skëndo”, Kuçovë, në dyqanin e tij, shtetasi F. V. kishte goditur me sende të forta, shtetasin L. Xh., 70 vjeç, është organizuar puna, me qëllim neutralizimin e këtij konflikti që kishte si motiv, publikimin në rrjetet sociale, të 70-vjeçarit dhe djalit të tij, nga shtetasi F. V. Ky shtetas, gjatë shoqërimit, ka kundërshtuar me dhunë, punonjësin e Policisë që kishte shkuar në vendngjarje për të neutralizuar konfliktin.
Në përfundim të veprimeve procedurale për këtë rast, specialistët për Hetimin e Krimeve të Komisariatit të Policisë Kuçovë, në bashkëpunim me specialistët e Policisë Gjyqësore të Prokurorisë së Beratit, arrestuan në flangrancë shtetasin F. V., 35 vjeç, banues në Kuçovë, për veprat penale “Goditje për shkak të detyrës”, “Plagosja e lehtë me dashje” dhe “Prishja e qetësisë publike”,- sqaron policia.
