Në një komunikim për mediat presidenti turk Tayip Erdogan konfirmoi se deri më tani janë regjistruar 912 viktima në të dy shtetet e prekura nga tërmeti.
“Po vijon pjesa e transportimit me ushqime, veshje e mjete në zonat e goditura nga tërmeti si masë nga autoritetet turke për të përballuar pasojat e tërmetit. Është dimër, është ftohtë, tërmeti ndodhi në orët e natës dhe në një mot aspak favorizues. Deri më tani janë konfirmuar 912 viktima në të dyja zonat e prekura, Turqi dhe Siri. Janë rreth 5835 të plagosur dhe 2818 godina të shkatërruara, tregues i tërmetit katastrofik. 2470 persona janë nxjerrë nga rrënojat dhe janë në gjendje të mirë shëndetësore”, deklaroi presidenti turk.
Erdogan premtoi që do të bëhet gjithcka është e mundur për përballimin e kësaj situate dhe se ekipet e kërkim-shpëtimit vijojnë me kërkimet nga momenti në moment për nxjerrjen e të mbietuarëve nga shembjet.
“Një pjesë e madhe ka ndërruar jetë, janë afro 9 mijë veta në ekipet e shpëtimit. Po punohet për të nxjerrë nga rrënojat personat që kanë mbijetuar, puna vijon minutë pas minute. Në Ankara ka mbërritur grupi koordinator me drejtues zëvendëspresidentin”, tha Erdogan.
