Tirana ka arritur të marrë një fitore me me peshë të madhe në Rrogozhinë ndaj Egnatias me rezultatin 1-2.
Skuadra bardheblu kaloi në avantazh në minutën e 2-të të lojës, ku Pergjoni gjen rrjetën. Festa e Tiranës nuk zgjati shumë, pasi në minutën e 12-të, Dwamena shënoi golin e barazimit. Pjesa e parë u mbyll me këtë rezultat, ku përveç golave, të dyja ekipet morën edhe nga një karton të verdhë.
Pjesa e dytë kishte intensitet loje dhe golin e avantazhit e gjeti Tirana në minutën e 67-të. Hasani merr përsipër një 11 metërsh të cilin e ekzekuton pa problem, duke e çuar kështu rezultatin në 1-2. Gjyqtari akordoi 9 minuta shtesë, të cilat u zgjatën edhe më shumë. Në fund të sfidës, Përgjoni u fut në portë pas dëmtimit të Bekaj dhe bëri një pritje perfekte duke shpëtuar kështu skuadrën nga barazimi.
Me këtë rezultat, Tirana merr tre pikët dhe shkon në 37 pikë dhe ndodhet në krye të tabelës duke krijuar një diferencë prej gjashtë pikësh nga Partizani i vendit të dytë i cili do të ndeshet ndaj Laçis pasditen e sotme.
