Policia greke ka arrestuar ditën e sotme një nga tre shqiptarët e shpallur në kërkim, të cilët dyshohen se kanë ngritur një shtëpi kanabisi në Larisa.
Të tre shqiptarët në bashkëpunim me njëri-tjetrin, kanë ngritur shtëpinë e barit më të madhe në atë zonë, në tre plantacione prej rreth shtatë hektarësh.
Mediat e huaja shkruajnë se ata jetonin në kasolle të improvizuara që kishin ngritur nëpër plantacione, nga ku monitoronin zonën, në mënyrë që të dallonin menjëherë çdo bastisje nga policia.
Në kuadër të operacionit, në të cilin morën pjesë mbi 60 punonjës policie, u sekuestruan 2193 fidane së bashku me sasi kërpi në “pako” me peshë totale 22 kg e 250 gramë, dy kilogramë e 150 gramë kërcell kërpi dhe gjethe, 4865 euro dhe 3800 lekë, ndërsa në dollapë janë gjetur enë shtëpiake, ushqime, krevat dhe sende të tjera.
