Pamje apokaliptike nga tërmeti 7.8 ballë që tronditi Turqinë mëngjesin e sotëm dhe ka shkatuar mbi 1300 viktima po shpërndahen kudo në rrjete sociale. Numri i jetëve të humbura pritet të rritet pasi nga mediat turke bëhet me dije se një numër i madh personash ndodhet ende nën rrënoja.
Në videot e publikuara në rrjet shihen ndërtesa që shkatërrohen teksa poshtë tyre lëvizin makina që pëpiqen të largohen nga vendi, shihen gjithashtu rrugë të shkatërruara, të çara dhe të deformuara duke treguar fuqinë shkatërrimtare të tërmetit.
An aftershock collapses a building in Sanliurfa pic.twitter.com/QFhbbWNRly
— Ragıp Soylu (@ragipsoylu) February 6, 2023
Deri më tani, si pasojë e tërmetit raportohet të jenë dëmtuar më shumë se 1,700 ndërtesa në 10 qytete turke.
Epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.
Pak minuta më parë, Turqia u godit sërish nga një tërmet me magnitudë 7.7 Rihter, po në të njëjtën zonë. Pas 4 mintash nga kjo goditje, vendi është goditur nga një tjetër tërmet me magnitudë 6.0.
Gjatë ditës së sotme, mbi 70 lëkundje janë regjistruar që nga tërmeti që u ndje në Siri, Liban, Qipro e deri në Rusi.
Turkey💔 #Turkey #amed #earthquake #Earthquake pic.twitter.com/qVwPXft9Hu
— Ismail Rojbayani (@ismailrojbayani) February 6, 2023
