Një tërmet i fuqishëm me magnitudë 7.8 ka goditur sot Turqinë dhe Sirinë, duke lënë më shumë se 1800 persona të vdekur dhe me mijëra të lënduar.
Ndërkaq, gjatë kohës kur ndodhi ky tërmet, në Turqi ndodhej edhe ekipi i të rinjve të mundjes së Kosovës. Mundësit e rinj ndodheshin në Turqi pasi që po merrnin pjesë në turneun “12 February”.
Po ashtu, KOK ka bërë të ditur se ekipi kosovar është rrugës për tu rikthyer në Kosovës.
Njoftimi i plotë:
“Ekipi i Federatës së Mundjes së Kosovës pjesëmarrëse në turneun ndërkombëtar në Kahramanmarash të Turqisë, ku fal zotit i shpëtoi më së keqes nga tërmeti katastrofal 7.7 shkallë. Të gjitha objektet afër hotelit ku ishin të vendosur ekipi i FMK-së janë rrafshuar për tokë. Mundësat tanë treguan heroizëm të pa parë duke ndihmuar njerëzit të mbetur nën gërmadha. Ekipa e FMK-së për momentin është vendosur në qytetin Kajseri. Faleminderit për interesimin të gjithëve e në veçanti: Naim Muja, Daulina Osmani, Afërdita Fazlija, Ismet Krasniq, Besim Alliti, Blerim Dajaku.”
