Katër anëtarë të grupit kriminal që merrej me shpërndarjen e heroinës dhe kokainës në zona të ndryshme të kryeqytetit kanë rënë në prangat e policisë. Ata janë identifikuar si Brikena Frakulli, 40 vjeçe, Hortenca Biçaku, 41 vjeçe, Klevi Banushi, 20 vjeç dhe Artur Kristo, 45 vjeç.
Gjatë operacionit të koduar ‘Kutia e Pandorës’ janë sekuestruar 6 kilogramë heroinë e kokainë, ndërkohë që mësohet se grupi kriminal drejtohej nga Brikena Frakulli, e cila siguronte lëndën narkotike në sasi të mëdha dhe më pas furnizonte shpërndarësit në doza.
“Në kryeqytet policia ka arrestuar dy persona pasi pas kontrollit në një mjet tip “Volvo” me peshë 18.6 gram ndarë në doza. Pjerin Gjeçaj, 37 vjeç dhe Brikena Frakulli, 32 vjeçU arrestuan në flagrancë pasi në rrugën “Todi Shkurti”, duke udhëtuar me automjetin e tyre tip “Volvo” me targë AA309ME u kapën me 47 doza të mbështjella të dyshuara të llojit “Heroinë” me peshë totale 18.6 gram.
Gjatë kontrollit të ushtruar në banesën e tyre janë sekuestruar në cilësinë e provës materiale një peshore elektronike, një jelek antiplumb, 5 telefona celularë dhe sasia prej 90.000 lekë. Gjithashtu janë sekuestruar një mjet tip “Volvo” me targë AA309ME, një fugon tip “Renault” me targë AA 104 JX, dhe dy biçikleta.
Asokohe, çifti arrinte të “gjuante” në rrjetet sociale klientët “VIP” dhe biznesmenë. Bashkëjetuesit dilnin në terren, në zonat e ndryshme të kryeqytetit për të shpërndarë drogën tek klientët e gjetur në online. Zonat më të preferuara të tyre ishin “Ali Demi”, “ish-Blloku”, si dhe lokalet e natës në Tiranë”, njofton policia.
Por duket se kjo nuk është hera e parë që përfundon në pranga për të njëjtën akuzë. Edhe në vitin 2015 ajo është arrestuar si pjesë e një grupi kriminal në kuadër të operacionit “Epilog 2”, së bashku me partnerin e saj.
