Partia Demokratike ka reaguar për herë të parë pas protestës së banorëve të Bërxullës, të cilët kundërshtojnë projektin e rrugës Thumanë-Kashar.
Në një reagim të bërë në Facebook, Sekretari për Emigracionin dhe Diasporën në PD, Indrit Hoxhai ka bërë thirrje kryetarit të bashkisë së Vorës që të bashkohet krah qytetarëve.
“E drejta e pronës, qoftë e trashëguar qoftë, e përfituar nga ligji 7501, është e drejtë e patjetërsueshme natyrore e çdo qytetari!
Kushtetuta parashikon në mënyrë të qartë se: Shpronësimi për interes publik të pronës bëhet përmes një çmimi të drejtë, që do të thotë sipas çmimit të tregut. Këto janë praktika të përsëritura në mënyrë arbitrare dhe të përsëritura të qeverisë Rama me pronën e shqiptarëve.
I bëj thirrje kryetarit në detyrë të Bashkisë Vorë, që të më bashkohet krahë qytetarëve të shpronësuar padrejtësisht në Bërxullë”, shkruan Indrit Hoxha.
