Një 22-vjeçar shqiptar është arrestuar nga policia në Itali. Mediat italiane raportojnë se autoritetet ngritën dyshimin e një shkëmbimi narkotikësh dhe është vënë në ndjekje të të riut shqiptar. Ky i fundit ka hedhur nga makina një kavanoz me drogë në një kanal kullues.
Policia ka mundur ta nxjerrë kavanozin me lëndë narkotike dhe pas disa minutash ndjekje ka vënë në pranga edhe të riun shqiptar, i cili rezultonte pa dokumente.
Nga kontrolli i makinës u bë e mundur gjetja e një kavanozi për ruajtjen e lëndës narkotike në tokë, identik me atë të gjetur në kanalin e kullimit dhe një paketë celofani që përdoret për paketimin e dozave të vetme, lënda narkotike si dhe një shumë parash, të ardhurat e veprimtarisë së paligjshme.
