Kreu i Partisë së Lirisë, Ilir Meta deklaroi se protesta e 11 shkurtit do të jetë “një uragan i jashtëzakonshëm”, por nuk dha detaje të mëtejshme.
Meta u shpreh se Shqipëria është ndër vendet e para në Evropë për korrupsion duke thënë se nuk krahasohemi as me shtetet më të varfra të Afrikës dhe kjo për shkak të qeverisë Rama.
“Protesta do të jetë një uragan i jashtëzakonshëm, unë ju kam thënë që ky ka rrethana lehtësuese se ka kartelë, të tregojë dhe bashkëpunëtorët dhe këto hyjnë te rrethana të lehtësuese. Nëse ky njeri do të përplaset me ndryshimin, na ka gati në çdo kohë. Çdo shqiptari që ka një fotografi me të do ti grisi se ky njeri shkatërroi shtetin se sot jemi të parët në Evropë për korrupsion. Ndryshimet kushtetuese që u bënë sipas Venecias ky i kapi në mënyrë mafioze dhe së dyti është shteti më i kapur jo në kontinent po nuk krahasohet as me vendet më të prapambetura të Afrikës. Keni parë ndonjë mbledhje të Këshillit Bashkiak të Tiranës për buxhetin se në 4 vite do kishte bërë rrugët e Parisit dhe jo më të Astirit.
Mos të harrojmë të gjithë më 11 shkurt ora 12:00 do ti dëgjojnë të gjithë shqiptarët në mbrojtje të demokracisë”, tha Meta.
Duke iu referuar raportit të “Transparency International”, Meta deklaron se përgjegjësi kryesor për renditjen e Shqipërisë të parën në kontinent për korrupsionin dhe të dytën në botë për ryshfetin është Edi Rama. Meta shton se është jetike dhe vendimtare largimi i Ramës si armiku më i egër i lirive dhe të drejtave të shqiptarëve, i shtetit ligjor dhe demokracisë në vend.
