Presidenti turk Recep Tayyip Erdogan në prag të zgjedhjeve të reja në vend ka zgjedhur të jetë i ashpër me gjuhën që përdor në Parlament, duke shpërthyer me retorikë nacionaliste dhe në krye të sulmeve të tij ka zgjedhur të ketë Greqinë dhe Suedinë.
Gjatë fjalës për Grupin e tij Parlamentar ai ka sulmuar gjashtë partitë e opozitës në Turqi, duke i akuzuar se “i dërgojnë të fala Greqisë”.
Sipas tij opozita turke ka hequr dorë nga të drejtat e tyre sovrane dhe është “duke mirëpritur ata që janë sistematikisht armiq të Turqisë“.
Ai vijoi argumentin duke e mbështetur me faktin se Athina zyrtare ka ushqyer gjithmonë “armiqësi sistematike dhe të vetëdijshme”, ndërsa ka drejtuar shigjetat drejt Perëndimit, me rastin e çështjes në Egje.
Erdogan u ndal edhe te kërkesa e Suedisë për t’iu bashkuar NATO-s, duke u shprehur i prerë: “Mos u mundoni të provoni tani”.
“Turqia e sheh pozitivisht kërkesën e Finlandës për t’u anëtarësuar në NATO, por nuk e mbështet kërkesën e Suedisë”, tha presidenti turk.
“Suedia nuk duhet të shqetësohet të përpiqet për t’u anëtarësuar tani. Ne nuk do t’i themi ‘po’ kërkesës së tyre për t’u bashkuar me NATO-n për sa kohë që ata lejojnë djegien e Kuranit“, tha Erdogan.
