Komisioni i Disiplinës dhe Etikës ka marrë vendimet për gjithçka çfarë ndodhi në javën e fundit në të gjitha kategoritë e futbollit shqiptar.
Trajneri i Bylisit, Naci Sensoi është pezulluar me 2 ndeshje. Shkak për këtë vendim janë vërë protestat ndaj arbitrit.
Gjithashtu, Kukësi është gjobitur me 50.000 lekë për sjellje të gabuar të spektaktorëve.
Vendimet:
Zyrtari i KF Bylis, Naci Sensoy, për proteste ndaj vendimeve të arbitrit, në bazë të Nenit 55/2 të KDS, dënohet me pezullim nga aktiviteti për 2 (dy) ndeshje.
FK Kukësi, për sjellje të gabuar të spektatorëve, hedhjen e sendeve në terrenin sportiv, në bazë të nenit 65/1, 65/3/a dhe 65/3/c të KDS, dënohet me gjobë në masën 50.000 (pesëdhjetë mijë) lekë.
KF Egnatia U-21, për mosparaqitje të ekipit në ndeshjen “Vllaznia-Egnatia”, në bazë të nenit 54/1 i KDS, dënohet me humbjen e ndeshjes në tavolinë dhe zbritjen e 3 (tre) pikëve nga klasifikimi.
Pranimin e kërkesës së lojtarit të FC Djelmnia Shkodrane 2017, Albi Brojaj, pezullimin e pjesës së mbetur të dënimit. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj.
