Kryetari i PD-së, Sali Berisha sqaroi aludimet për lidhjet mes tij dhe Agron Nezës, personit që akuzohet nga drejtësia amerikane se i dha 225 mijë euro ish-zyrtarit të FBI-së nën hetim Charles NcGonigal.
Në një emision televiziv mbrëmjen e sotme, kreu i PD u pyet: Zoti Berisha cila është njohja juaj me Agron Nezën sepse u publikua edhe një foto.
Në përgjigje, Berisha tha: Asnjë njohje. Unë kam njohje me disa pjesëtarë të familjes së tij se tani mund të jenë familje e madhe, kanë qenë familje fare e mirë.
Në ç‘rrethana është bërë ajo foto?
Berisha: Po të më pyesësh për foto të jesh i bindur se 100 mijë të paktën kanë foto me Sali Berishën. Çdo ditë, ai është një ritual i pandërprerë dhe unë nuk i refuzoj fotot. Ajo foto që ka dalë me mua është e viteve 90-të. Unë e them këtu: Vllau im ka qenë shok me babën e tij, unë e kam njohur babën e tij mirë shumë. Kam njohur xhaxhanë e tij shumë shumë mirë. Kam njohur një kushëririn e tij të parë, djal i shkëlqyer, kam njohur Agimin, shumë djalë i mirë. Këtë se kam njohur, ka ardh, ka bërë një foto, ka ik. Po për ta njohur jo, do thosha unë e njof se s’kam asnjë lloj…
