Janë publikaur pamjet e aksidentit tragjik, në Brazil ku një makinë me shpejtësi “skëterrë” ka përplasur një motoçikletë dhe ka marrë me vete një vajzë 5 vjeçare duke thyer xhamin e një biznesi.
Mediat e huaja raportojnë se shoferi i makinës ka qenë në gjendje të dehur.
Videoja e kamerës së sigurisë, ka kapur momentin kur makina fillimisht ka përplasur një motoçikletë dhe në pas ka “rrëmbyer” 5-vjeçaren.
Vajza e vogël në momentin e aksidentit ishte duke luajtur pas një vazoje me lule kur makina doli jashtë kontrollit dhe e goditi duke e futur brenda biznesit.
Ndonëse xhami i biznesit u thye, vajza e cila ka rënë në një sedilje shihet në këmbë menjëherë pasi është tërhequr nga një burrë që i ishte shmangur makinës me shoferin e dehur në momentet e fundit.
Policia njofton se vajza e mitur nuk ka mbetur e lënduar rëndë dhe ndodhet në gjendje të mirë shëndetësore.
