Është zbardhur dëshmia e të riut, Dedë Nika, i riu i arrestuar nga Policia e Shkodrës si i dyshuari kryesor për vendosjen e tritolit në banesën e efektvit të Policisë së Shtetit, Prelë Milani 3 vite më parë.
Në seancën për masën e sigurisë që u zhvillua një ditë më parë në Gjykatën e Shkodrës, 33-vjeçari deklaroi se nuk është ai autori i vendosjes së tritolit në banesën e efektivit Prelë Milani dhe të Kolë Bungajas, ngjarje që ndodhën brenda një natë më 4 janar të 2020. Madje, sipas gazetarit Senad Nikshiqi, nuk ka asnjë lidhje me atë rast.
“Unë nuk kam asnjë lidhje me vendosjen e tritolit tek banesa e Prelë Milanit apo Kolë Bungajës. Nuk kam asnjë dijeni për ato ngjarje. Po ashtu unë nuk kam asnjë konflikt as me efektivin e policisë Prelë Milani dhe as me shtetasin tjetër Kolë Bungaja. Nuk i njoh asnjërin dhe as tjetrin dhe nuk e di përse jam këtu,”-u shpreh ai para trupës gjykuese.
