Krimi monitoron të gjithë vendin njësoj si Big Brother.
Policia e Shtetit gjatë javëve të fundit ka nisur një operacion për çmontimin e kamerave të vendosura nga grupet kriminele, që monitoronin lëvizjen e policisë dhe jo vetëm.
Kamera janë çmontuar në Shkodër, Lushnje, Durrës, Fier, Vlorë, Korçë dhe Pogradec. Bëhet me dije se veç Saimir Taullaut, një tjetër emër që është nën hetim për vendosjen e kamerave spiune është edhe Kleviol Ahmetaj, i njohur ndryshe si Cllevio Serbiano.
Në lidhje me këtë, Cllevio ka folur vetë në rrjetet sociale, duke thënë me ironi se 44 policë shkuan t’i hiqnin kamerat, dhe se po të ishin vetëm dy do t’i kishte “korruptuar”.
“Unë jam me dosje të zezë. Unë jam gango me dosje, nuk jam unë gango Tik Tok. Mua dhe kur vinë të më heqin kamerat vijnë 44 policë. Se dy policë nuk i lej unë, për Zotin nuk i lë. Nuk i lë se i korruptoj vëllai, jo po kshu, jo po ashtu. Me llafe ja marr mendjen 2, po, por po u bën 4. Jo se do i rraf. Ata vinë 40 e thonë: “O Keviol, ore padroni i kamrave, hajde pak. Po Shefi. Pse i ke vënë kamerat?” Duhet të jap arsyen pse i kam vënë. Nuk ja kam dhënë akoma se do vi baba nga Amerika tja japë” dëgjohet të thotë Cllevio në një video në Tik Tok.
Kujtojmë që Cllevio është një emër i njohur për policinë. Pak muaj më parë ai është përplasur dhunshëm me reperin Noizyn, teksa ishte në “arrest shtëpie”.
