Merkato e Kukësit në ditët e fundit ka qenë e përqendruar në afrimet, por nuk reshtin ende largimet nga verilindorët. Klubi verilindor pasditen e sotme ka zyrtarizuar largimin e Klejdi Dacit.
Sulmuesi kishte shkuar në këtë klub me idenë për të luajtur me rregullsi por aktivizimi ka qenë i kufizuar edhe për shkak se Gabriel Barbosa ishte titullar i paprekshëm.
Afrimet në repartin e sulmit në ditët e fundit kanë shtyrë Dacin që të kërkojë largimin nga verilindorët, ku hapësirat për të do të ngushtoheshin edhe më shumë. Kështu, ai u largua nga Kukësi me 18 ndeshje e 3 gola të shënuar, të ndarë në dy gjysma sezonesh me verilindorët, teksa tani do të jetë në kërkim të një sistemimi të ri.
