Kreu i Partisë së Lirisë, Ilir Meta ka shkuar sot në selinë blu ku është takuar me kreun e PD Sali Berisha. Temë diskutimi kanë qenë zgjedhjet e 14 majit por edhe skandali me ish agjentin e FBI-së, McGonigal.
Pas takimit me Berishën, Meta tha për gazetarët se kanë diskutuar për çështje shumë të rëndësishme teksa shtoi se protestat dhe zgjedhjet i japin fund regjimit të Edi Ramës.
“Me qëllim instalimin e kleptokracisë në vendin tonë dhe dëbimin e të gjithë shqiptarëve që duan një shtet të së drejtës dhe duan të respektohen të drejtat e tyre që shkelen çdo ditë. Është e qartë që ne do të ecim në rrugët e protestave, protestat dhe zgjedhjet do t’i japin fund këtij regjimi. Që nga fakti që jemi vendi më i korruptuar në kontinent, më i polarizuar se çdo vend tjetër, paratë në vend që të shkojnë për qytetarë, shkojnë për të blerë McGonigalët e Rossinët.
Kemi rënë dakort për shumë çështje të rëndësishme, do të dalë edhe Berisha të flasë me ju. Absolutisht do të kemi për qëllim ekzekutimin e këtij regjimi mafioz.”- tha Meta.
