Alban Qafa, avokat, gjatë një interviste në FaxNews ku harta e re gjyqesore e cila në datën 1 Shkurt do të vihet në zbatim, u shpreh se: “Nga data 1 Shkurt, asnjë Gjykatë Apeli si ajo e Korçës, Durrësit, Shkodrës dhe e Vlorës nuk do të kenë më procese gjyqësore ku do të zhvillohen seanca”, dmth nga 1 Shkurti asnjë gjykatë apeli nuk do të zhvilloje seanca dhe se Gjykata e Apelit Tirane dhe Gjykatat e rretheve nuk e perballojnë dot fluksin. Ai theksoi se akoma nuk është zgjidhur cështja e pronës dhe se ka mungesë gjyqtarësh dhe boshllëku do vite që të plotësohet. Mbi 90 gjyqtarë janë dorëhequr. Më e mira e mundshme do të ishte që numri do të arihej për 5 vite nëse shkolla e magjistraturës do të punonte me maksimum kapaciteteve. Ai gjithashtu u shpreh se pretendohet se me harten e re do të ritet cilesia dhe shpresojme të jemi me mirë në të ardhmen.
Për operacionin “Fijet” avokati u shpreh se policia këto kamera i ka pas para syve përgjatë viteve, pra nuk është dicka e re. Gjithashtu policia ka dhënë sinjale për goditjen e paligjshmerisë sepse shumë zona kontrollohen nga subjekte me precedente penale. Ndërsa ka nje rritje të kontrollit të policise mbi territorrin, dhe heqja e kamerave tregon pikërisht këtë rritje kontrolli. Ai u shpreh se heqja e kamerave nuk e ul ngarkesën e ngjarjeve kriminale dhe mund të vendosen kamera trafiku që ti kontrollojë policia, mund të jetë një zgjidhje për zbardhjen e veprave penale. Nëse do ketë procedim dhe kontroll nuk besoj se do të rivendosin përsëri kamerat. Nëse policia është konstante dhe jo me fushata atëherë do te ketë sukses.
