Një makinë ka shpërthyer në flakë në zonën e Unazës së Re në Tiranë.
Nga ngjarja momentalisht nuk raportohet për persona të lënduar por vetëm për dëme materiale pasi makina është shkrumbuar plotësisht. Nuk dihet nëse makina është përfshirë nga flakët si pasojë e ndonjë defekti të mundshëm elektrik apo bëhet fjalë për zjarrvënie të qëllimshme.
“Me datë 29.01.2023, në Unazë të Re, ka marrë flakë dhe është djegur pjesërisht mjeti në pronësi të shtetasit N. L. Si pasojë e zjarrit ka vetëm dëme materiale. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit”, njofton policia.
Megjithëse makina ka shpërthyer në flakë, ende në zonë nuk vërehet asnjë zjarrfikëse për të shuar flakët.
