Analisti Genc Burimi në një intervistë në Ora News foli lidhur me çështjen “McGonigal”, dosje e cila po shqyrtohet nga drejtësia amerikane dhe në të cilën bëhet fjalë se emri i kryeministrit Rama është i përfshirë plot 14 herë.
Sipas Burimit me këtë çështje “Opozita ka në dorë një gurë të jashtëzakonshëm që ta shfrytëzojë”.
Sakaq analistit SPAK po hesht dhe sipas tij kjo “heshtje e drejtësisë është e papranueshme”.
Ai thotë se “Leximi i kësaj gjëje është që drejtësia është nën urdhëra”.
Genc Burimi: Opozita ka në dorë një gurë të jashtëzakonshëm që ta shfrytëzojë. Mund të bëjë presion maksimal mbi drejtësinë e vendit tonë. Nuk ka justifikim që drejtësia e vendit tonë të mos ketë hapur një hetim për kryeministrin e vendin tonë, por hesht. Duhet vënë presion maksimal si nga opozita dhe enga opinioni publik. Pse të mos hapë sot Dumani një hetim. Dhe për Tahirin Rama thoshte se nuk ka asnjë hetim por në fund doli gjë tjetër. Duhet një hetim. Nuk është normale që Rama të mos merret në pyetje. Kjo heshtje e drejtësisë është e papranueshme. Leximi i kësaj gjëje është që drejtësia është nën urdhëra. Drejtësia duhet të jetë më e paanshme, në vendin tonë është nën urdhrat e Ramës e nesër mund të jetë nën urdhërat e Berishës.
“Sot në një dosje të drejtësisë amerikane emri i Ramës përmendet 14 herë. Trajtimi i gjërave në Shqipëri sipas interesave në pushtet më frikëson. Duhet një drejtësi që tju japë besim shqiptarëve.”, tha ai.
