Afera Rama-McGanigal për Partinë Demokratike [ritet të jetë në qendër të aksionit të përbashkët me qytetarët, të cilin ka paralajmëruar prej shpërthimit të skandalit lideri opozitar Sali Berisha.
Këtë e ka konfirmuar sot Sekretari i Përgjithshëm i PD, Flamur Noka, i cili përveç protestave ka këmbëngulur te ngritja e Komisionit Hetimor me argumentin se opozita posedon prova që tregojnë se pagesa 225 mijë euro është bërë nga Agron Neza për të korruptuar ish-zyrtarin e FBI me urdhër të Edi Ramës.
“Gjatë hetimit Komisioni do të nxjerrë prova, por ne kemi prova që Agron Neza ka dërguar 225 mijë dollarë për të korruptuar McGonigal si shpërblim kundër opozitë. A nuk është provë kjo. Kur kërkohet Komision zgjedhor nga ¼ e deputetëve parlamenti duhet ta ngrejë atë. Drejtësia e re është drejtësi e kapur nga Edi Rama”, tha Noka në “Kjo Javë”.
Por më tej, ai lexoi edhe një tjetër dokument që sipas Nokës i përket dosjes së ish-agjentit Charles McGonigal dhe aty deklarohet se FBI ka në dorë biseda të shkëmbyera mes McGonigal dhe Ramës.
Këto biseda sipas Partisë Demokratike, ish-zyrtari i ka realizuar duke përdorur një celular të inkriptuar që zakonisht blihet nga grupet mafioze.
“Përfshirë këtu dhe jo vetëm kaq, celularët e-mailet, letrat, aplikacionet që ka përdorur Charkes McGonigal. Jo vetëm me të tjerët, por edhe me Agron Nezën, pastaj kalon në ….1,2,3,4. Zotërohnen bisedat dhe lidhjet me qeverinë e Shqipërisë, përfshirë këtu, por jo vetëm, edhe kryeministrin Edi Rama. Do kontrollohet dhe një aplikacion e telefon i inkriptuar që përdor mafia, këtë e thotë FBI. Këtu thuhet që ka edhe politikanë nga Bosnaj e Kosova, por nuk thuhet gjëkundi kryeministri i tyre, thuhet kryeministri i Shqipërisë”, deklaroi Noka.
Ish-ministri i Brendshëm foli edhe për betejën e ashpër në Parlament, duke iu referuar kryeparlamentares Lindita Nikolla si “kukulla barbi” në duart e Ramës, që i lejoi kryeministrit të fshihej duke mos dhënë llogari për aferën në fjalë.
“Një megaskandal ku gjithë bota ziente, kërkuam të ndryshonte axhenda sepse kryeministri ynë ishte kapur në flagrancë duke korruptuar zyrtarin e agjencisë më të fuqishme të botës për sigurinë. Shpresuam që duhet të kishte alarm dhe duhej kthyer në mega axhendën e çdo Parlamenti. Me urdhër, kukulla barbi që drejton seancat, mori urdhër që kjo të mos bëhej dhe një seancë që do zgjaste 24 orë zgjati 24 minuta. Parlamenti po s’ju kthye normalitetit e po nuk u respektua opozita, fake parlament nuk mund të ketë. Rama e kukulla e tij nuk mund të përjashtojë gjithë popullin opozitar, por bëjnë veprime të neveritshme. Pas këtij megaskandali që tronditi botën dhe shokoi agjencitë e sigurisë të SHBA, Shqipëria s’mund të pranojë të drejtohet nga një hajdut e një korruptues”, nënvizoi ai.
Sa i përket aksionit opozitar, Noka paralajmëroi se çdo shesh dhe çdo rrugë në Tiranë apo në Shqipëri do të mbushet me qytetarë që kundërshtojnë regjimin
“Opozita flet jo vetëm në parlament, por tashmë rrugët janë shumë. Do të ketë sheshe, rrugë të Tiranës e të Shqipërisë të mbushura plot dhe rruga e vetme është largimi i Ramës. Sa i përket aksionit opozitar, Noka paralajmëroi duke u shprehur se çdo shesh, çdo rrugë në Tiranë apo në Shqipëri do të mbushet me qytetarë që kundërshtojnë regjimit. Jo protestën e radhës, por Protestat. Do të konsultohemi me aleatët javën që vjen dhe më pas Shqipëria nuk ka paqe. Armiku i demokracisë nuk ka paqe”, tha ai.
