Dy 20-vjeçarë dhe një 19- vjeçar, janë arrestuar nga policia këtë të Enjte në Kamzë.
Të rinjtë mēsohet se kanë vjedhur sasi nafte, në 2 automjete në pronësi të një subjekti privat.
Po ashtu është proceduar në gjendje të lirë dhe një 16-vjeçar, bashkëpuntorë me 3 të rinjtë.
“Specialistët për Hetimin e Krimeve të Komisariatit Nr. 5 arrestuan shtetasit E. B., 20 vjeç, J. V., 20 vjeç dhe A. V., 19 vjeç, si dhe referuan materialet në Prokurori dhe nisi procedimi në gjendje të lirë për një 16-vjeçar, të katërt banues në Kamzë, pasi kanë vjedhur sasi nafte, në 2 automjete në pronësi të një subjekti privat. Pas verifikimeve të kryera për këtë rast, ka rezultuar se shtetasi E. B. kishte thyer masën e sigurisë “Arrest në shtëpi””, njofton policia.
