Një sasi prej 9 tonësh vaj ulliri, është sekuestruar në Itali pas kontrollit të autobusëve me udhëtarë që ishin nisur nga Shqipëria.
Mediat vendase shkruajnë se vaji ishte futur mes bagazheve të pasagjerëve dhe se produkti ishte paketuar në 110 bidona plastikë të pasterilizuara.
Vetëm sot, në Portin e Brindizit janë sekuestruar 3 tonë vaj ulliri nga Shqipëria, ndërsa 6 tonë të tjerë janë sekuestruar më herët këtë muaj.
Zyrtarët e Agjencisë së Akcizave, Doganave në bashkëpunim me Financierët e Brindisit, kanë konstatuar se produktet nuk kishin asnjë certifikatë shëndetësore dhe nuk shoqëroheshin me ndonjë dokument tregtar ose doganor.
Kjo ngjarje është konsideruar si një tentativë për kontrabandë të produkteve duke shmangur taksat me vlerë deri në mbi 13 mijë euro.
Në deklaratën e autoriteteve italiane thuhet se: Në muajin e fundit, Agjencia e Akcizave, Doganave dhe Monopoleve dhe Guardia di Finanza kanë sekuestruar 9 tonë vaj ulliri nga Shqipëria, duke siguruar kështu rikuperimin e mbi 13 mijë eurove të taksave.
#Brindisi Olio d’oliva “finto” proveniente dall’#Albania, sequestrate 9 tonnellate di merce https://t.co/DLUttk11PR
— Leggo (@leggoit) January 26, 2023
