Një aksident me pasojë vdekjen e një këmbësori ka ndodhur këtë të enjte në Cërrik.
Policia njofton se ka bërë të mundur identifikim dhe arrestimin e autorit, i cili pasi përplasi 60-vjeçarin u largua nga vendngjarja.
“Rreth orës 19:00, në lagjen nr. 3, Cërrik, një automjet aksidentoi me pasojë vdekjen, shtetasin T. K., rreth 60 vjeç, banues në Cërrik, dhe u largua menjëherë nga vendi i aksidentit.
Falë veprimeve të shpejta dhe të mirëkoordinuara policore, është bërë i mundur identifikimi, kapja e menjëhershme dhe shoqërimi në ambientet e DVP Elbasan, i shtetasit E. H., 35 vjeç, banues në Cërrik, si autor i dyshuar i këtij aksidenti. Ndaj 35-vjeçarit do të kryhen veprimet e mëtejshme procedurale në lidhje me këtë ngjarje”, njofton policia.
Grupi hetimor vijon punën për zbardhjen e plotë të rrethanave të këtij aksidenti.
