Kandidati i opozitës për Bashkinë e Vlorës në zgjedhjet e 14 majit, Indrit Hoxha do t’i bashkohet protestës së banorëve të Bërxullës para Kryeministrisë ditën e nesërme në orën 10:00.
Në një postim në rrjetet sociale, Hoxha tha se prona është e shenjtë dhe nuk mund të bëhet “plaçkë” për interesat personale të Edi Ramës.
“Nesër, në ora 10:00, do t’i bashkohem protestës së banorëve të Berxullës, para Kryeministrisë. Prona është e shenjtë, ajo nuk mund të trajtohet si plaçkë për interesat personale të Edi Ramës”, shkruan Hoxha.
Gjatë protestave të kaluara banorët janë shprehur se shteti po u grabit tokat e tyre dhe nuk po i dëmshpërblen me çmimin që duhet dhe se ato po na vjedhin. Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier.
Ata thonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi.
