Një sherr me thika raportohet të ketë ndodhur në Sarandë.
Blutë bëjnë me dije, se dy persona janë konfliktuar me njëri-tjetrin për motive të dobëta, ndërsa ka mbetur i plagosur me thikë një 43-vjeçar.
I plagosuri është dërguar në spital, ku ndodhet nën kujdesin e mjekëve, ndërsa është shpallur në kërkim autori i plagosje, shtetasi E.G, 38-vjeç.
“Mëngjesin e sotëm, në ambientet e një lokali në Sarandë, dyshohet se shtetasi E. G., 38 vjeç, për motive të dobëta, ka goditur me mjet prerës (thikë), shtetasin S. N., 43 vjeç, i cili ndodhet në spital, në kujdesin e mjekëve. 38-vjeçari i larguar menjëherë nga vendngjarja, është shpallur në kërkim nga shërbimet e Policisë. Vijojnë kontrollet, me qëllim kapjen dhe nxjerrjen e tij, përpara përgjegjësisë penale”,– thuhet në njoftimin e policisë.
Materialet procedurale i kaluan Prokurorisë pranë Gjykatës së Rrethit Gjyqësor Sarandë, për veprime të mëtejshme hetimore në lidhje me këtë rast.
